თეთრი ვისკი მშრალი კანონის მოსაგონრად

მომავალი წლის იანვარში ამერიკის შეერთებული შტატების ალკოჰოლურ ბაზარზე გამოვა თეთრი ვისკი  Jack Daniel's Unaged Tennessee Rye, რომელიც ამ სასმლის დამფასებლებს მშრალი კანონის პერიოდს გაახსენებს - Jack Daniel's-ს ხომ ჭვავის თეთრი ვისკი, XX საუკუნის დასაწყისიდან მოყოლებული, აღარ ჩამოუსხამს. უნდა ითქვას, რომ თეთრი ვისკი უმრავლესობისთვის სრულიად უცხო ხილია. ჩვენ მივეჩვიეთ იმას, რომ ვისკი ქარვისფერი უნდა იყოს და არა არაყივით ან ჯინივით გამჭვირვალე. მათ შორის განსხვავება ისაა, რომ თეთრ ვისკის კასრებში არ აძველებენ და ამიტომაც არ იცვლის ფერს. Jack Daniel's-ის დისტილატორის, ჯეფ არნეტის თქმით, თეთრი ვისკი ხასიათდება, როგორც მოტკბო გემოს, ხილისა და ჭვავის არომატების მქონე სასმელი. Jack Daniel's Unaged Tennessee Rye-ს დასამზადებლად გამოყენებულია 70% ჭვავის, 18% სიმინდისა და 12% ქერის ალაო.

© ღვინის კლუბი/Weekend