ფრანგი მეღვინეები თაღლითების მსხვერპლნი აღმოჩნდნენ - მხოლოდ წელს, ექვსი თვის განმავლობაში, მათ 945 ათასი დოლარის ღირებულების პროდუქცია დაკარგეს. ორგანიზაცია Wine and Spirits Trade Association (WSTA) და ლონდონის პოლიციის ეკონომიკურ დანაშაულთან ბრძოლის განყოფილება აფრთხილებს მეღვინეებს, რომ მოლაპარაკებებისა და გარიგების დადებისას მეტი ყურადღება გამოიჩინონ. WSTA-ს ინფორმაციით, თაღლითები მეღვინეებს რეალურად არსებული კომპანიების წარმომადგენლებად ეცნობიან, მაგრამ გამოგონილ სახელებსა და ელექტრონულ ფოსტას იყენებენ. ისინი უკავშირდებიან მეწარმეებს, აფორმებენ ხელშეკრულებას პროდუქციის მსხვილი პარტიის მიწოდების თაობაზე, სადაც თანხის გადახდის ვადად 30 დღეა გათვალისწინებული, ხოლო რისკებზე პასუხისმგებლობა დაზღვევას აქვს დაკისრებული. შეკვეთილი პროდუქციის მიღების შემდეგ თაღლითები, რა თქმა უნდა, უკვალოდ ქრებიან. თაღლითების სამიზნეს, ძირითადად, ფრანგი მეღვინეები წარმოადგენენ, რომელებიც ერთ ბოთლ ღვინოს საშუალოდ 14 დოლარად ყიდიან.
© ღვინის კლუბი/Weekend
ბეჭდვა
თქვენი კომენტარი