უკრაინის დედაქალაქ კიევში, საგამოფენო ცენტრ ,,კიევექსპოპლაზაში” საზეიმოდ გაიხსნა ღვინის პირველი ფესტივალი Wine Fest. ფესტივალის გახსნას უკრაინის სოფლის მეურნეობის სამინისტროს წარმომადგენლები და გერმანიის საელჩოს თანამშრომლები ესწრებოდნენ. უკრაინისა და კიდევ შვიდი ქვეყნის ორმოცდაათმა საუკეთესო მეღვინემ ფესტივალზე საუკეთესო პროდუქცია წარმოადგინა, რომელთა დეგუსტაციაც ნებისმიერ სტუმარს შეეძლო. დეგუსტაციის გარდა ფესტივალის ფარგლებში ჩატარდა ბარმენ-შოუ, მსოფლიოს ცნობილი მზარეულების მასტერ-კლასები, მუსიკალური და თეატრალური პერფორმანსები, კინოჩვენება, გათამაშდა უამრავი პრიზი. ფესტივალის პირველივე დღე რეკორდით აღინიშნა - დამზადდა უკრაინის ყველაზე დიდი ღვინის ეტიკეტი, რომელიც რეკორდების ადგილობრივ წიგნში შევიდა. მეორე დღეს კი უკრაინული შამპანურით გაავსეს მსოფლიოში ყველაზე დიდი ბოკალი, რომელიც რეკორდების არა ადგილობრივ, არამედ მსოფლიო მნიშვნელობის გამოცემაში - გინესების წიგნში შევიდა. ბოკალი 2009 წლის ჩამოსხმის “ზოლოტაია ბალკას”-ს მარკის 55 ლიტრი (75 ბოთლი) შამპანურით გაავსეს.
© ღვინის კლუბი/Weekend
ბეჭდვა
თქვენი კომენტარი