ღვინის აუქციონზე ყველა რეკორდი მოიხსნა

მსოფლიო ეკონომიკურმა კრიზისმა, ჩანს, უკვე გადაიარა და ადამიანებს ისევ გაუჩნდათ ფუფუნების საგნებში უამრავი თანხის დახარჯვის სურვილი. ამის ნათელი დასტურია ტრადიციული, ყოველწლიური ღვინის აუქციონი, რომელიც უკვე 15 წელია, ამერიკაში, ნაპას დაბლობზე იმართება. წელს აუქციონი ამერიკის კულინარიული ინსტიტუტის შენობაში ჩატარდა და მასში ღვინით მოვაჭრე ათასზე მეტი კომპანია მონაწილეობდა. საერთო ჯამში, იშვიათი და ელიტური ღვინოების გაყიდვით შემოსულმა თანხამ 2,4 მილიონი დოლარი შეადგინა. ეს ახალი რეკორდია ამ სფეროში, რადგან კრიზისამდელ პერიოდში, 2008 წელს, ანალოგიური ვაჭრობის შედეგმა 2,2 მილიონ დოლარს მიაღწია.

© ღვინის კლუბი/Weekend