- მოგვიყევით თქვენი მარნის შესახებ, რამ შთაგაგონათ მეღვინე გამხდარიყავით?
- იმისათვის რომ არ მიგვეტოვებინა ჩვენი წინაპრებია კარ-მიდამო და პარალელურად გაგვეგრძელებინა ქართული მეღვინეობის ტრადიცია და კულტურა ამისათვის ჭიათურის რაიონში. სოფ. ზოდში ჩვენს სოფელში სადაც ბავშვობის მოგონებები გვაკავშირებდა ავაშენეთ მარანი და დავიწყეთ იმერული ღვინის წარმოება.
- ვაზის რომელი ჯიშები გაქვთ გაშენებული და კიდევ რომელ ჯიშებზე აპირებთ ყურადღების გამახვილებას? რაიმე განსაკუთრებული რიტუალი ხომ არ გაქვთ ვენახის მოვლის ან ღვინის დაწურვის დროს?
- გაშენებული გვაქვს, ქვიშხური, ციცქა, ცოლიკოური, ძელშავი. მომავალში ასევე სხვა იშვიათი იმერული ჯიშების გაშენებას ვგეგმავთ.
- რა ღვინოებს აწარმოებთ და რითაა გამორჩეული თქვენი ღვინო?
- ვაწარმოებთ 5 სახის იმერულ ღვინოენს: ქვიშხური. ციცქა, ცოლიკოური, ძელშავი და როზე (ვარდისფერი ღვინო). ჩვენი ღვინოები დამზადებული იშვიათი იმერული ჯიშის ყურძნისგან, გამოირჩევა ცოცხალი არომატებით და გემოებით. არის დიდი სიყვარულით დამზადებული და მაღალი ხარისხის.
- რა არის თქვენი საყვარელი პროცესი რთველიდან ღვინის ბოთლში ჩამოსხმამდე, რომელსაც სიამოვნებით, დაუღალავად აკეთებთ?
- ამ საქმეს მუდმივად დაუღალავი შრომაა ჭირდება, ერთგულად და სიყვარულით საჭიროებს ყველა პროცესი ჩართულობას. ამიტომ ყველა პროცესი სასიამოვნო და განსაკუთრებულია.
- გაიხსენეთ საქართველოში ღვინის გაყიდვის თქვენი პირველი გამოცდილება, რომელ მაღაზიებთან გქონდათ ურთიერთობა?
- ჩვენი ღვინოების ბაზარზე გამოსვლა პანდემიის პერიოდს დაემთხვა, რაც ძალიან რთული პროცესი იყო. მომხმარებელი არ იცნობდა ჩვენს პროდუქციას და ძალიან გაგვიჭირდა გაყიდვები.
- გადის თუ არა თქვენი ღვინო უცხოეთის ბაზარზე?
- კი, ჩვენი ღვინო რამდენიმე ქვეყანაში გადის ექსპორტზე. პირადად ჩვენიდან პირველი ექსპორტი კანადაში გვქოდნა. თუმცა მანამდე იყო შემთხვევები როდესაც სხვა კომპანიებმა შეიძინეს ჩვენი ღვინო და წაიღეს ექსპორტზე.
- რა სახის სირთულეები/დაბრკოლებები შეგხვედრიათ თქვენს საქმიანობაში? რა უნდა დაიხვეწოს ყველაზე მეტად ღვინის სფეროში?
- დაბრკოლება და სირთულე ყველა ფეხის ნაბიჯზეა. მთავარია არ შეგაშინოს დაბრკოლებამ და ერთგულად განაგრძო შენი საყვარელი საქმის კეთება.
- რა მიგაჩნიათ ყველაზე მნიშვნელოვან ფაქტორად მაღალი ხარისხის ღვინის მისაღებად?
- მხოლოდ მრავალსაუკუნოვანი ტრადიცია ვერ განსაზღვრავს ღვინის ხარისხს, მთავარია ერთმანეთს შეუწყო ტრდიციები და თანამედროვე ტექნოლოგიები. უმაღლეს დონეზე მიაქციო ყურადღება ჰიგიენას და თითოეულ დეტალს მოფერებით და სათუთად მოექცე რაც აუცილებლად განსაზღვრავს ხარისხს.
- თქვენი აზრით, რა არის ყველაზე მნიშვნელოვანი ფაქტორები თანამედროვე ქართული ღვინის კულტურის განვითარებისთვის?
- რაც შეიძლება მეტი პოპულარიზაცია მოხდეს ქართული და განსაკუთრებით მცირე მარნების, რომელთაც მაღალი ხარიახის ღვინოები აქვთ.
- რას ურჩევდით დამწყებ მევენახე-მეღვინეებს?
- საქმე კარგად შეისწავლონ და თვითონ აწარმოონ ყველა პროცესი.
მარნის მისამართი: ჭიათურა, სოფელი ზოდი
ტელეფონი: 577 77 38 33
ელფოსტა: wineryzodi@gmail.com
ვებ/ფეისბუკ გვერდი: winery zodi - მარანი ზოდი
© ღვინის კლუბი/vinoge.com
ბეჭდვა
თქვენი კომენტარი