ღვინის ბუმი ჰონგკონგში

ჰონგკონგში გამართულ აუქციონზე Romanee-Conti -ის 2005 წლის წითელი ბურგუნდიული ღვინის 12 ბოთლი 1,8 მილიონ ჰონგკონგურ დოლარად გაიყიდა. აუქციონის სახლ Sotheby’s -ის მიერ ჰონგკონგში მოწყობილ აუქციონზე ორი დღის განმავლობაში საერთო ჯამში 107 მილიონი ჰონგკონგური დოლარის ღირებულების ლოტები გაიყიდა, რაც 13,8 მილიონი ამერიკული დოლარის ექვივალენტია. როგორც სააგენტო Bloomberg-ი იუწყება, აღმოსავლელი მყიდველები განსაკუთრებით აქტიურობდნენ ფრანგული ღვინის შეძენისას. ამასვე ადასტურებს აუქციონის სახლის ღვინის პროგრამის მმართველი აზიაში რობერტ სლაი. ,,აზიელი მყიდველები ღვინის ბაზრის წამყვან მოთამაშეებად იქცნენ და კიდევ უფრო იფართოვებენ ჰორიზონტს. ბოლო ორი წლის განმავლობში ჩვენ 6 ათასზე მეტი ლოტი გავყიდეთ, ასეთი რამ ადრე არასოდეს მომხდარა“,- განაცხადა მან.