ექსპერტთა მონაცემებით, ალკოჰოლური სასმელების მწარმოებელი კომპანია Hennessy მასობრივ საინფორმაციო საშუალებებში რეკლამაზე წელიწადში დაახლოებით ათ მილიონ დოლარს ხარჯავს. ახლახან ცნობილი გახდა, რომ კომპანიამ ფლაგმანი ბრენდის LVMH Moet Hennessy Louis Vuitton, Hennessy –ს გასაპიარებლად ცნობილი სააგენტო - Droga 5 შეარჩია. ლუქს კლასის ალკოჰოლური სასმლის რეკლამირების უფლებისთვის ისეთი სახელგანთქმული კომპანიები იბრძოდნენ, როგორებიცაა: McCann Erickson, Euro RSCG, Kirshenbaum Bond Senecal Partners.
Droga 5,რომლის მთავარი ოფისიც ნიუ-იორკშია განლაგებული, დამოუკიდებელი სააგენტოა. ის 2006 წელს ჩამოაყალიბა დევიდ დროგამ. არსებობის ამ მოკლე ხნის განმავლობაში კომპანიამ უკვე შეძლო და რეკლამისა და კომუნიკაციების ახალი მიმართულების ლიდერის სახელი დაიმკვიდრა. კომპანიას ოფისები აქვს აგრეთვე სიდნეისა და ახალ ზელანდიაში. Droga 5 სარეკლამო ბაზარზე მომსახურებას უწევდა მსოფლიოში აღიარებულ ბრენდებს: Puma, Unicef, Activision (Guitar Hero).
© ღვინის კლუბი/Weekend
ბეჭდვა
თქვენი კომენტარი