ჩეხეთში ლუდის გაყიდვებმა იკლო

ჩეხეთის ლუდის მწარმოებელთა ასოციაციის მონაცემებით, წელს ჩეხეთში ლუდის გაყიდვებმა 7,35 მილიონი ჰექტოლიტრი შეადგინა, რაც შარშანდელი ექვსი თვის გაყიდვების მაჩვენებელთან შედარებით 12%-ით ნაკლებია. უკანასკნელი ორი წლის მანძილზე ქვეყანაში ლუდის მოხმარება ერთი მეხუთედით შემცირდა. სპეციალისტები ამ ცვლილებებს აქციზური მოსაკრებლის გაზრდასა და ეკონომიკურ კრიზისს უკავშირებენ. ა.წ. იანვრიდან ივნისის ჩათვლით ჩეხური ლუდის გაყიდვებმა ჩეხეთსა და სხვა ქვეყნებში საერთო ჯამში 6210 მილიონი ჰექტოლიტრი შეადგინა, მაშ შორის საზღვარგარეთ საექსპორტოდ 1136 მილიონი ჰექტოლიტრი ლუდი გავიდა. ჩეხური ლუდის უმსხვილეს იმპორტიორად კვლავ Gგერმანია რჩება, შემდეგ მოდიან: სლოვაკეთი, შვეიცარია, დიდი ბრიტანეთი და ამერიკის შეერთებული შტატები.