ავსტრალიური კომპანია 350 ათასი დოლარით დაჯარიმდა იმის გამო, რომ შარდონეს ნაცვლად სულთანას ჯიშის ყურძნის წვენს ყიდდა. კომპანია Rivers Wine-ის ყოფილ ხელმძღვანელს ენდრიუ ხაშინს ბრალად ედება ავსტრალიური ღვინის მწარმოებელი გიგანტი კომპანია Hardy's და Orlando-სთვის ფალსიფიცირებული შარდონეს მიყიდვა. ფაქტი უკვე შეფასდა ავსტრალიის ღვინის ბაზრის ისტორიის მანძილზე მომხდარ ერთ-ერთ უდიდეს სკანდალად. აღსანიშნავია, რომ შარდონეს ჯიშის ყურძენი ოთხჯერ ძვირია სულთანას ჯიშის ყურძენზე. ინციდენტის გამოძიებას ავსტრალიის ღვინისა და ბრენდის ასოციაცია აწარმოებს. ენდრიუ ხაშინი დამნაშვედ ცნეს ბრალდების 34 პუნქტის მიხედვით. კომპანიისთვის დაკისრებული სოლიდური ფულადი ჯარიმის გარდა, 51 ათასი დოლარით დაჯარიმდა ენდრიუ ხაშინიც. სასამართლოს განცხადებით, ამ თაღლითობამ სერიოზული დარტყმა მიაყენა ავსტრალიის ღვინის წარმოებას.
© ღვინის კლუბი/“Weekend“
ბეჭდვა
თქვენი კომენტარი