Home
ქართული | English
მაისი 2017
ორშსამოთხხუთპარშაბკვი
1234567
891011121314
15161718192021
22232425262728
2930311234

მულტიმედია

კომენტარები

„მკვეთრი აქცენტი აბორიგენულ ჯიშებზე“ - საუკუნოვანი ისტორიის სასტუმრო ლონდონში სტუმრებს იაგო ბიტარიშვილის ღვინოს სთავაზობს

ღვინისა და ალკოჰოლური სასმელების გავლენიანი მედია, The Drinks Business იუწყება,  რომ ლონდონის საკულტო სასტუმრო Ritz-მა, რომელიც წელს 110 წლის იუბილეს აღნიშნავს, სრულიად ახლებური დამოკიდებულებისა და შემადგენლობის Livre du Vin შეიმუშავა. 

Ritz-ის დამოკიდებულება ღვინისადმი იმთავითვე, კონსერვატიული იყო. ათწლეულების მანძილზე სასტუმრო მომხმარებელს სთავაზობდა ბორდოსა და ბურგუნდიის გრანდ კრუების მაღალი კლასის ღვინოებს. ახალი მთავარი სომელიეს, ჯოვანი ფერილიტოს ძალისხმევით, სასტუმროს მეტისმეტად კლასიკური Livre du Vin დღეს გაცილებით ავანგარდისტულად გამოიყურება -  ძველი სამყაროს ყველასათვის ცნობილი დასახელებების გვერდით გაჩნდა ახალი ღვინოები და ტენდენციები. 

ფერილიტოს ღვინის ნუსხაში მთავარი აქცენტებია - აბორიგენული ჯიშები, ჯიშური დივერსიფიკაცია, ნარინჯისფერი და ქარვისფერი, ჭაჭაზე დავარგებული ღვინოები ისეთი რეგიონებიდან, როგორიცაა ლანგდოკი, კორსიკა, ეტნა, საქართველო, სლოვაკეთი, სანტორინი. 150 ახალი ღვინიდან, რომელიც ჩამონათვალს დაემატა, 5 ქარვისფერია - საქართველოდან და ფრიულიდან (ვენეცია). 

„მე ვფიქრობ, არანაირი აზრი არ აქვს სიცილიიდან, მაინცდამაინც, შარდონეს დაგემოვნებას. მიუხედავად ამისა, სიცილიაში ბევრი მწარმოებელი სწორედ, შარდონეს ამზადებს. სხვათა შორის, მშვენიერი ღვინოებია. ეტნადან, ჩემი აზრით, ჯობს, კარიკანტე დააჭაშნიკო. ჯიში, რომელიც მხოლოდ ეტნაში შეგიძლია მოიძიო. იგივე შეიძლება ითქვას ქართულ ქარვისფერ ღვინოზე. საქართველოშიც არიან მწარმოებლები, რომლებიც საერთაშორისო ჯიშებისგან ამზადებენ ღვინოებს, თუმცა ჩვენ მხოლოდ ჩინურზე შევჩერდით“ - აღნიშნავს ფერილიტო და მიიჩნევს, რომ ამ ღვინოებს ინგლისში დიდი წარმატება ელის, რადგან ფრანგებისგან, სიცილიელებისა და იტალიელებისგან განსხვავებით, ინგლისელი მომხმარებელი საკმაოდ გაცნობიერებული და მოტივირებულია ახალი გემოების აღმოსაჩენად.

© საქართველოს ღვინის კლუბი, ღვინის საინფორმაციო ცენტრი



mogesalmebit sagarejodan,maqvs 32 clis gvino rja citeli,gvino aris gansakutrebuli aromatit da sasiamovno dasalevi,iqneb mirchiot ramdenad gavkido litra.tu vinme kompetenturi xart gtxovt momcerot 1 litris pasi

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

By submitting this form, you accept the Mollom privacy policy.
საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.