პარფე კენკრის სოუსით

საჭირო მასალა: 80 გ რბილი კარამელის კანფეტი, 4 ცალი შოკოლადის ხრაშუნა ნამცხვარი, 400 მლ სქელი ნაღები, 1 ცალი კვერცხი, 4 ს.კ. შაქრის პუდრი + 25 გ, 150 გ სხვადასხვა კენკრა.

მომზადება: 20 სმ სიგრძის ფორმაში ჩავაფინოთ სამზარეულოს ცელოფანი. ქვაბში გავაცხელოთ 50 მლ ნაღები, დავუმატოთ კანფეტები და გავადნოთ. შევურიოთ დამტვრეული ხრაშუნა ნამცხვარი. კვერცხის ცილა და გული გავაცალკევოთ. ცილა კარგად ავთქვიფოთ, დავუმატოთ 2 ს.კ. შაქრის პუდრი. 350 მლ ნაღები კარგად ავთქვიფოთ. 25 გ შაქრის პუდრი და კვერცხის გული ცალკე ავთქვიფოთ გათეთრებამდე და დავუმატოთ კარამელის მასა. მონაცვლეობით ვამატოთ გათქვეფილი ნაღები და ცილა და ვთქვიფოთ. მასა ცელოფანჩაფენილ ფორმაში მოვათავსოთ და თავდახურული მთელი ღამით საყინულეში შევდგათ. კენკრა საცერზე გავატაროთ და 2 ს.კ. შაქრის პუდრი ავურიოთ. დესერტი მივირთვათ კენკრის სოუსთან ერთად.

© ღვინის კლუბი /Weekend