17 ოქტომბერს, საქართველოს ღვინის კლუბი ქართული ღვინის დღეების, „ღვინობისთვე 2018“-ის ფარგლებში, რომელიც უკვე რამდენიმე წელია ღვინის ეროვნული სააგენტოს მიერ ტარდება, გიწვევთ საფესტივალო აქციაზე: "ახალი მცირე მარნები დიდ ასპარეზზე 2018".
ღონისძიება მთაწმინდის პარკში, კლუბ ანდერვილში გაიმართება (13:00-დან 21:00 საათამდე), სადაც ბოლო წლების მანძილზე სახელმოხვეჭილი თუ დამწყები ახალი მცირე მარნები წარმოადგენენ თავიანთ ღვინოებს.
აქციას ღვინის მწერალი და ღვინის კლუბის დამფუძნებელი, მალხაზ ხარბედია წარუძღვება, თავად მევენახე–მეღვინეები კი თავიანთ გამოცდილებას გაუზიარებენ სტუმრებს.
ფესტივალის მხარდამჭერია ღვინის ეროვნული სააგენტო, მთაწმინდის პარკი.
თქვენ გელით ბევრი სხვადასხვანაირი ღვინო, გემრიელი მისაყოლებელი და საინტერესო გარემო.
დასწრება თავისუფალია!
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი
ბეჭდვა
თქვენი კომენტარი