ორაგულის წვნიანი ფეტვითა და ლიმონით

საჭირო მასალა: 250-300 გ ორაგული, 1 ცალი ორაგულის თავი, 3-4 ცალი კარტოფილი, 1 ცალი სტაფილო, 1 თავი ხახვი, 0,5 ჭიქა ფეტვი, 1 კონა კამა, 1 ცალი ლიმონი,  2 ცალი დაფნის ფოთოლი, მარილი, შავი პილპილის მარცვლები – გემოვნებით. 

მომზადება: თევზს დავასხათ იმდენი ცივი წყალი, რომ დაფაროს და ავადუღოთ. ნახარში გადავასხათ და თევზს ისევ დავასხათ წყალი. როცა ადუღდება, ქაფი მოვხადოთ. დავუმატოთ მთელი ხახვი, გახეხილი სტაფილო, დაფნის ფოთოლი, პილპილის მარცვლები, მარილი და 15-20 წუთი ვხარშოთ. კარტოფილი გავფცქვნათ და მსხვილად დავჭრათ. ფეტვი გავრეცხოთ და კარტოფილთან ერთად ჩავამატოთ წვნიანში. ვხარშოთ სრულ მომზადებამდე. მზა წვნიანიდან ამოვიღოთ დაფნის ფოთოლი. სუფრასთან მივიტანოთ ლიმონის ნაჭრებთან და წვრილად დაჭრილ კამასთან ერთად.

© ღვინის კლუბი/Weekend