ალკოჰოლური სასმელების ერთ-ერთი უმსხვილესი მწარმოებელი - ბრიტანული კომპანია Diageo, რომლის პროდუქციაც მსოფლიოს 180 ქვეყანაში იყიდება, მოლაპრაკებებს აწარმოებს ინდოეთის უმსხვილეს ალკოჰოლურ კომპანია United Spirits Ltd-თან, რომელიც მილიარდერ ვიჯეი მალიას (Vijay Mallya) ეკუთვნის. როგორც საინფორმაციო სააგენტოები იუწყებიან, United Spiritsის 20%-იანი წილის შეძენა Diageo-ს საშუალებას მისცემს, გენერალური დირექტორი და სხვა ტოპ მენეჯერები თავად დანიშნოს. ამასთან, როგორც მოელიან, United Spirits-ის მფლობელი მალია დირექტორთა საბჭოს თავჯდომარის პოზიციაზე დარჩება. ამ შეთანხმების შემდეგ მისი წილი კომპანიაში 28%-იდან 10%-მდე შემცირდება. შეგახსენებთ, რომ Diageo-ს შემადგენლობაშია ისეთი ბრენდები, როგორებიცაა: Smirnoff, Johnnie Walker, Guinness, Baileys, J&B, Captain Morgan, Cuervo, Tanquarey, Crown Royal, Beaulieu Vineyard, Sterling Vineyards და სხვ.
© ღვინის კლუბი/Weekend
ბეჭდვა
თქვენი კომენტარი