75.00 ლარი
უსახელაური ნამდვილად შეიძლება ვაღიაროთ საქართველოს ყველაზე იშვიათ და ძვირფას ღვინოდ. უსახელაურის ვენახები ძალზე მცირე ფართობებზეა გაშენებული, თავად ჯიშიც განსაკუთრებული მცირემოსავლიანობით გამოირჩევა და ყურძნის მოყვანაც საკმაოდ მძიმე შრომასთანაა დაკავშირებული მთელი წლის განმავლობაში. ეს ღვინო უსახელაურის საუკეთესო ტერუარიდანაა, სოფელ ოყურეშიდან. შესანიშნავი გარეგნობა აქვს, სხივიანი ლალისფერია, სურნელებში კი წითელი ბლისა და თეთრის ბლის მურაბის, ასევე ნამცხვრის ტონები ჩნდება. საკმაოდ სხეულიანი და სქელი ღვინოა, ახასიათებს ძალზე ხანგრძლივი დაგემოვნება, რაც, ჩემი აზრით, ღვინის ერთ-ერთ უმთავრეს ღირსებას წარმოადგენს. რის გამოც ღვინის ერთი ყლუპიც კი საკმაოდ დიდხანს დაგაფიქრებთ. ეს უსახელაური სადესერტო ღვინოა და საუკეთესო იქნება მისი ხილთან და ხილიან ნამცხვართან მიყოლება.
© ღვინის კლუბი/Weekend
ბეჭდვა
თქვენი კომენტარი