გამოქვეყნებულია: 4 ნოემბერი, 2010 - 07:15
მუხრანის ველზე მოყვანილი რქაწითლის 2007 წლის მოსავალზე ჩვენ შარშანაც ვწერდით. 2009 წლის ჩამოსხმა ძალზე განსხვავდება წინამორბედისგან. ჩალისფერი ღვინოა, მომწვანო ელფერით, სადაც პირველივე სურნელზე ძალზე მრავალფეროვანი არომატები იშლება, სადაც ერთმანეთს მოსდევენ ხილის ყვავილების, მუშმალის, ანანასის სურნელები. ეს ყველაფერი, ქართლის მიწისა და კლიმატის გარდა, მეღვინის დამსახურებაცაა, რომელიც ბატონაჟს იყენებს, ტექნოლოგიურ ხერხს, რომელიც თვეების მანძილზე ღვინის ლექზე დავარგებას გულისხმობს პერიოდული დარევით. ამის გამო ღვინო სრულიად განსხვავებული სტრუქტურისა დგება. ქართლური რქაწითელი საუკეთესო იქნება ხამანწკებთან, კრევეტებთან, მოხარშულ სვიასთან, თხის ყველთან.
© ღვინის კლუბი/“Weekend“
თემა:
ბეჭდვა
თქვენი კომენტარი