გამოქვეყნებულია: 19 აპრილი, 2014 - 21:47
ეს ღვინო ნამდვილი საჩუქარია კარგად დავარგებული, მწიფე ღვინის მოყვარულთათვის. კონდოლის ვენახებში დაკრეფილი საფერავიდანაა დაყენებული, დადუღდა 225 ლიტრიან მუხის კასრებში და 2 წლის მანძილზე მუხისვე კასრებში ვარგდებოდა. მუხის კვალი სურნელშიც კარგად ჩანს, თუმცა ძალიან მოზომილად, სადაც მოხალული მზესუმზირის ტონებს შავი ქლიავის ჯემის არომატები ერწყმის. გემოზე უფრო კარგად ჩანს ამ ველურ საფუვრებზე დადუღებული გაუფილტრავი ღვინის ღირსებები, სადაც ტკბილი და თბილი ტონები გამოდის წინა პლანზე. ძოწისფერი ღვინოა აგურისფერი რკალით, ხანგრძლივი დაბოლოებით, სადაც ზემოთჩამოთვლილ არომატებს სიგარისა და შავი პილპილის, ასევე ზოგიერთი სუნელის არომატიც აგვირგვინებს.
© ღვინის კლუბი /Weekend
თემა:
ბეჭდვა
თქვენი კომენტარი