გამოქვეყნებულია: 18 ივლისი, 2009 - 00:00
კონდოლი სოფელია თელავთან, რომელიც ქართული მეღვინეობისთვის ისეთი მნიშვნელოვანი მიკროზონების ალყაში იმყოფება, როგორიცაა თელიანი და წინანდალი. ერთი შეხედვით ეს ღვინო "თელავის მარნის" წინანდალსაც წააგავს, თუმცა, მისგან განხვავებით, შედარებით ეკზოტიკურია, რადგან რქაწითლისა (80%) და მწვანის (20%) ტრადიციულ შეხამებას კონდოლის მიწა თავისებურ ელფერს სძენს. დუღილი უჟანგავი ფოლადის ჭურჭელში მიმდინარეობს კონტროლირებად (15-17გრადუსი) ტემპერატურაზე. შემდეგ კი, 6-8 თვის განმავლობაში ძველდება ახალ ფრანგულ მუხის კასრებში.
ღვინო კლასიკური, ღია ჩალისფერით ხასიათდება, ძალზე ეფექტური ე.წ. "პირველი ცხვირი" აქვს, სადაც ეკზოტიკური ხილის სურნელები გამოდიან წინა პლანზე, მცირედი გრეიპფრუტის, ასევე გარგრისა და ტკბილი სუნელების ტონები. გარკვეული დროის შემდეგ კარაქის სირბილეც იგრძნობა გემოში და დაბოლოებაში. საკმაოდ ზომიერად ჩანს მუხის კვალი.
კარგ წყვილს შექმნის ბოსტნეულის და ხორციან სალათებთან, შემწვარ ან მოხარშულ ქათამთან (სხვ. სოუსებით, შესაძლოა ბაჟესაც მოუხდეს). სცადეთ სუშისთან, ასევე ხამანწკებთან და კრევეტებთან. ევროპულ ყველებთან.
მ.ხ.
© vinoge.com
თემა:
ბეჭდვა
თქვენი კომენტარი