Moccagatta 1952 წელს დაუარსებია ახლანდელ მწარმოებლის მამას და ვენახი სულ 12 ჰექტარზეა გაშენებული, აქედან: Nebbiolo 58.5%, Barbera 15%, Chardonnay 14%, Dolcetto 8.3%, Freisa 4.2%. ვიზუალურად როგორც ჩანს, ამ ღვინოს ცოტა ასაკიც შეპარვია და ფერით მოწითალო-ალუბლისფერია (და არა მუქი შინდისფერი) და ჭიქის კიდეზე მოთეთრო რკალიც ჩანს. ევროპაში 2003 ძალიან ცხელი ზაფხული იყო და ეს ამ ღვინოსაც ეტყობა; საკმაოდ სხეულიანია და ალკოჰოლიც საკმაოდ მაღალი აქვს - 14.5%. არომატი მრავალფეროვანი და საინტერესო აქვს. გამოირჩევა ალუბლის სურნელით. აგრეთვე სუნელების, განსაკუთრებით ვანილის და შავი პილპილის. ყველაფერს ამას გემოზე ბროწეულის და ქლიავიც ემატება. ასევე გამოირჩევა საკმაოდ მაღალი სიმჟავით, ბლომად ტანინებით და ხანგრძლივი 'ფინიშით.' კიდევ რამდენიმე წელი დაძველებაც ალბათ არ აწყენდა.
ბეჭდვა
თქვენი კომენტარი