გამოქვეყნებულია: 13 ნოემბერი, 2013 - 12:34
ქვევრში დაყენებული გურული ჩხავერიც გამოჩნდა ქართული ღვინის ჩამონათვალში. აცანაში დამზადებულ ქვევრშია ღვინო დაყენებული, ტრადიციული, ქართული წესით. ღვინო დაწურულია ჩოხატაურის რაიონის სოფლებში მოკრეფილი ჩხავრიდან, სოფელ დაბლაციხეში, ზურაბ თოფურიძის მარანში, რომელმაც ჩხავრის უკვე მესამე ვინტაჟი ჩამოასხა. მოოქროსფერო მკრთალი ქარვისფერია, მოტკბო სურნელებით, სადაც მოხალული გოგრის თესლი და ლიმნის ცედრა დომინირებს. მაცოცხლებელი მჟავიანობა აქვს, დაბოლოებაში მცირედ კვამლის ტონებსაც იგრძნობთ. საუკეთესოა მდინარის შემწვარ კალმახთან.
© ღვინის კლუბი/Weekend
თემა:
ბეჭდვა
თქვენი კომენტარი