25.00 ლარი
ამ ღვინის გამოჩენა ყველაზე მეტად ეკზოტიკისა და იშვიათი ჯიშების მაძიებლებს გაუხარდებათ, თანაც არ დაგვავიწყდეს, რომ ეს პირველი შემთხვევაა დამოუკიდებელი საქართველოს ისტორიაში, როდესაც გურიაში მოყვანილი ყურძნიდან დაყენებული ღვინო მაღაზიაში გამოჩნდა. ღვინო, ჩოხატაურის რაიონის რამდენიმე სოფელში დაკრეფილი ყურძნიდანაა დაყენებული (დაბლაციხე, საყვავისტყე, საჭამიასერი და სხვ.). ეს ჩხავერი ქარვისფერია, უმცირესი მოვარდისფრო ელფერით. ძალიან ეფექტური და სავსე გემო-სურნელი აქვს. ხასიათდება მწიფე ატმის, ატმის ჩირის, ცოტაოდენი ვარდისა და ხილის ყვავილების არომატით. გემოზე მოტკბოა, დამრგვალებული. უფრო ნახევრადმშრალი ეთქმის. დალიეთ ჩაციებული, მოხარშულ დედალთან, გურულ ღვეზელთან, ღვინის საწებლიან კალმახთან, ახალ ყველებთან და ხილთან. ღვინო გამორჩეულად ხანგრძლივი დაბოლოებით ხასიათდება, სადაც ქიშმიში და დაშაქრული თხილის ტონები იჩენს თავს.
© ღვინის კლუბი/Weekend
ბეჭდვა
“ვინოთეკა” - ლესელიძის 33, ტ.: 47 60 11;
“ღვინის სამყარო” - რ. ლაღიძის 2. ტ.: 98 95 84;
"ღვინის კლუბი schalla" - მაჩაბლის 16. ტ.: 2 93 22 79;
La Maison De Vin – შარდენის 18. ტ.: +995 32 214 75 75
"ვარაზი", სასტუმრო ვარაზი, კოსტავას 45ა, 2921630, 2931161
თქვენი კომენტარი