ჭარხლის წვნიანი

საჭირო მასალა: 500 გ ჭარხალი, 1 კონა კამა, ნიახური და ოხრახუში, 500 გ თეთრი კომბოსტო, 100 გ ბეკონი, 1 ლ ბოსტნეულის ბულიონი, 150 მლ ნაღები, 4 ს.კ. თეთრი მშრალი ღვინო, მარილი, წიწაკა – გემოვნებით.

მომზადება: ჭარხალი გავფცქვნათ და პატარა კუბებად დავჭრათ. დავჭრათ ასევე მწვანილი, თხლად დავკეპოთ კომბოსტო. ბეკონი წვრილად დავჭრათ და ტაფაზე მოვბრაწოთ. ამოვიღოთ და ტაფაზე მოვათავსოთ ბოსტნეული. თუ ცხიმი აკლია, ცოტა დავუმატოთ. ბოსტნეული გადავიტანოთ ქვაბში ან ქოთანში, დავასხათ ბოსტნეულის ბულიონი, მოვაყაროთ მარილი, წიწაკა და 20 წუთი დაბალ ცეცხლზე თავდახურული ვხარშოთ. როდესაც ბოსტნეული მოიხარშება, ჩავუმატოთ თეთრი მშრალი ღვინო. სუფრაზე ნაღებთან ერთად მივიტანოთ.

© ღვინის კლუბი/Weekend