ეს განსაკუთრებული ღვინო დავარგებული ტონი პორტი გახლავთ (Aged Tawny), ანუ დაძველებული "გარუჯული" პორტვეინი. ამ ღვინოს კასრებში აჩერებენ არანაკლებ 6 წლისა, აძველებენ 10, 20, 30 ან 40 წლით, რის შემდეგაც ბოთლში ასხამენ და იგი უკვე მზადაა მოხმარებისთვის. ეს ღვინო 20 წლის დავარგების შემდეგ 2011–ში ჩამოახეს ბოთლში, დაყენებულია დრადიციული პორტის ჯიშებიდან (Touriga Nacional, Touriga Franca, Tinta Barroca, Tinta Roriz და Tinto Cão). უნაბისფერი ღვინოა, ძალიან ეფექტური გარეგნობის, კონიაკისფერიც კი ეთქმის. სურნელებში პირველ რიგში ჩურჩხელას, კაკლის მურაბისა და ლეღვის ჩირის ტონებს იგრძნობთ. ძალიან მდიდარი ღვინოა, ალკოჰოლი (20%) სასიამოვნოდ წვავს ყელს და ათბობს გულს, საკმაოდ სხეულიანი ღვინოა, ძალზე ხანგრძლივი და დაუვიწყდარი დაბოლოებით.
© ღვინის კლუბი/vinoge.com
ბეჭდვა
თქვენი კომენტარი