ყაზახური მანტი

საჭირო მასალა: 500 გ ცხიმიანი ცხვრის რბილი ხორცი, 4 თავი ხახვი, 50 გ დაჭრილი ცხვრის დუმა, 150 გ არაჟანი, 4 კოვზი კარაქი, მარილი, წიწაკა - გემოვნებით, 600 გ ფქვილი, 1 კვერცხი.

მომზადება: ხორცი დავკეპოთ 10-15 მმ დიამეტრის ნაჭრებად, ხახვი წვრილად დავჭრათ, ფარშს მოვაყაროთ მარილი და წიწაკა. ფქვილით, კვერცხით და ცოტაოდენი წყლით მოვზილოთ ისეთი მაგარი და ელასტიკური ცომი, რომ ხელს არ ეკრობოდეს. გავაბრტყელოთ თხლად და დავჭრათ 10 х 10 სმ კვადრატებად. თითოეულ კვადრატზე მოვათავსოთ ფარში და დუმის ნაჭრები, ბოლოები დიაგონალზე შევაერთოთ, მოვათავსოთ ცხიმწასმულ ბადეზე და ჩავდგათ მდუღარე წყლიან ან ბულიონიან ქვაბში, თავზე მჭიდროდ დავახუროთ და ორთქლზე ვხარშოთ 25-30 წუთის განმავლობაში. მანტი სუფრასთან მიაქვთ ხორცის ბულიონთან ერთად.

© ღვინის კლუბი/Weekend