ქათმის ფისინჯანი

საჭირო მასალა:1 კგ ქათმის ხორცი, 1,5-2 ჭიქა დარჩეული ნიგოზი, 7-10 ცალი ახალი ან დაკონსერვებული ტყემალი ან ალუჩა, 1 თავი ხახვი, დაფქული შავი პილპილი, მარილი – გემოვნებით, გარნირად – მოხარშული ბრინჯი.

მომზადება:ქათამი დავჭრათ და მარილიან წყალში მოვხარშოთ. ბულიონი გადავწუროთ და შევინახოთ. ნიგოზი ხორცსაკეპ მანქანაში გავატაროთ. ალუჩას ან ტყემალს გამოვაცალოთ კურკა. ხახვი წვრილად დავჭრათ. ქვაბში ქათამთან ერთად მოვათავსოთ მომზადებული ინგრედიენტები, მოვაყაროთ მარილი და პილპილი, დავასხათ ბულიონი და 1,5-2 საათი ვხარშოთ. მივირთვათ მოხარშულ ბრინჯთან ერთად.

© ღვინის კლუბი/Weekend