ქათამი ზაფრანით და ბრინჯით ირანულად

პროდუქტები: 1 ქათამი (1,2 კგ); 2 ხახვი; 2 კბილი ნიორი 1 ჭიქა ქათმის ბულიონი ან თეთრი მშრალი ღვინო; 2 ჭიქა ბრინჯი; 150 გ. ცხვრის დუმა; 1 ს/კ ზეითუნის ზეთი მწიკვი ზაფრანა; 1 კონა ქინძი და ოხრახუში; 0,5 ჩ/კ ხმელი ქინძი; 2 ლიმონი; მოსართავად - რამოდენიმე ცალი უკურკო ზეთისხილი; მარილი, ძირა და შავი პილპილი გემოვნებით; 1-2 დაფნის ფოთოლი.

მომზადება: ღუმელი გავაცხელოთ 200 გრადუსამდე და მოვამზადოთ პროდუქტები: ხახვი, ნიორი და მწვანილი წვრილად დავჭრათ, დავფქვათ ხმელი ქინძი, რგოლებად დავჭრათ ლიმონი და ამოვაცალოთ თესლები. ზაფრანას დავასხათ 1 ჭიქა ცხელი ქათმის ნახარში. 3-4 ლიტრიანი ქოთნის ძირზე ჩავაწყოთ ჯერ ლიმონის ნაჭრები, შემდეგ ნიორი და მწვანილი. ზეთი, მარილი, პილპილი და დაფქული ქინძი ერთმანეთში ავურიოთ, ქათამს წავუსვათ შიგნიდან და გარედან, ჩავდოთ ქოთანში, დავასხათ ზაფრანიანი ბულიონი და შევდგათ ღუმელში დაახლოებით 90 წუთით (ქათმის ხორცი უნდა იყოს რბილი). ქათმის მომზადებამდე ცოტა ხნით ადრე, დავიწყოთ ბრინჯის მომზადება: ცხვირს დუმა დავჭრათ წვრილ ნაჭრებად და ჩავყაროთ საშუალო ზომის ქოთანში, მაღალ ცეცხლზე დავდგათ და გავადნოთ, ხიწიწი ამოვიღოთ ქოთნიდან და ამ ცხიმში ჩავყაროთ ბრინჯი, 2 წუთის განმავლობაში ვურიოთ დაბალ ცეცხლზე, შემდეგ დავასხათ 4 ჭიქა წყალი, გავუწყოთ მარილი, შავი პილპილი, დაფნის ფოთოლი და ძირა გემოვნებით, დავაფაროთ საფარებელი და 15 -20 წუთის განმავლობაში ვხარშოთ დაბალ ცეცხლზე. ქოთანი თავდახურილი დავტოვოთ 10 წუთით. სუფრასთან მივიტანოთ ქათამთან და უკურკო ზეთისხილთან ერთად, ზემოდან კი მოვასხათ მისივე წვენი.

© ქეთი ადეიშვილი, ნინო ფანჯაკიძე/vinoge.com