გამომცხვარი ღორის ნეკნები

საჭირო მასალა: 1.5 კგ ღორის ნეკნები, 100 გ ხახვი, 200 გ სტაფილო, 1 ს.კ. ტომატპასტა, 150-200 გ ყველი ბრინზა, 3 ს.კ. მაიონეზი, ზეთი - მოსაშუშად, მარილი, პილპილი - გემოვნებით.

მომზადება: ღორის ნეკნები დავჭრათ თხელ ნაჭრებად და მოვათავსოთ გამოსაცხობ ფორმაზე. ზეთში მოვშუშოთ ალყა-ალყა დაჭრილი ხახვი და მსხვილ სახეხზე გახეხილი სტაფილო, დავუმატოთ ტომატპასტა, მოვაყაროთ მარილი და პილპილი. ხახვისა და სტაფილოს მასა გადავანაწილოთ ნეკნებზე, ზემოდან დავაწყოთ თხლად დაჭრილი ყველის ნაჭრები, წავუსვათ მაიონეზი, დავაფაროთ ფოლგა და 30 წუთის განმავლობაში შევდგათ 180 გრადუსზე გახურებულ ღუმელში.

© ღვინის კლუბი/Weekend