ფინიკი ბეკონითა და ლურჯი ყველით

საჭირო მასალა: 20 ცალი ფინიკი, 5 ნაჭერი ბეკონი, 120 გ ლურჯი ყველი.

სოუსისთვის – 1/4 ჭიქა ძმარი ბალზამიკო, 2 ს.კ. თაფლი, მწიკვი მარილი, მწიკვი შავი პილპილი.

მომზადება: ბეკონის ნაჭრები შუაზე გავჭრათ. ფინიკს ამოვუღოთ კურკა და ყველი ჩავდოთ. ფინიკი ბეკონის ნაჭერში გავახვიოთ და ხის ჩხირებით შევკრათ. თუნუქის ფურცელზე დავაფინოთ ფოლგა, ზედ მოვათავსოთ ბადე, ზედ დავაწყოთ მომზადებული რულეტები და 190 გრადუსზე გახურებულ ღუმელში 15-20 წუთით შევდგათ. სანამ შეიწვება, მოვამზადოთ  სოუსი: პატარა ქვაბში ჩავასხათ ძმარი ბალზამიკო, თაფლი, მწიკვი მარილი და შავი პილპილი. სოუსი დაბალ ცეცხლზე 7-10 წუთის განმავლობაში ვხარშოთ. როდესაც მუქი ყავისფერი გახდება, გადმოვდგათ და მზა რულეტებს მოვასხათ.

© ღვინის კლუბი/Weekend