ჭარხლის ფხალი გამომცხვარი ხორცთან ერთად

მასალა:
კილოგრამი ჭარხლის ფოთოლი
ნახევარი კილოგრამი საქონლის ფარში
2 კვერცხი
ოხრახუში, ქინძი, სუნელები, რეჰანი
ერთი ცალი ლიმონი
დაახლოებით 3 სუფრის კოვზი ზეითუნის ზეთი
3 ცალი პომიდორი
ერთი ცალი სტაფილო
2 ცალი ბულგარული წიწაკა
ერთი მწვანე მწარე წიწაკა
2 ხახვი
2 კბილი ნიორი

მომზადება:
ფხალი გავასუფთავოთ, მოვთუთქოთ, გადავწუროთ. დავჭრათ წვრილად და ხახვსა და ნიორთან ერთად მოვთუშოთ, დავამატოთ სუნელები, მარილი, ლიმონის წვენი. საქონლის ფარში მოვხრაკოთ ცოტა ხახვთან, ბულგარულ წიწაკასა და გახეხილ სტაფილოსთან ერთად, დავუმატოთ გახეხილი პომიდორი, დაფნის ფოთოლი, წვრილად დაჭრილი მწარე წიწაკა, ბოლოს გათქვეფილი კვერცხი. გადავწუროთ. ღრმა შუშის ფორმას მოვუსვათ ზეითუნის ზეთი და ჩავაწყოთ ფენებად ჯერ ფხალი, შემდეგ ფარში, და ა.შ. ბოლო ფენა დავფაროთ თხლად დაჭრილი პომიდვრითა და ბულგარული წიწაკით, მოვასხათ მარილიანი კრემი და გამოვაცხოთ აირღუმელში.
მომზადების შემდეგ მოვაყაროთ წვრილად დაჭრილი მწვანილეულობა.