შემწვარი ხორცი ბრინჯით

საჭირო მასალა:1 კგ ღორის სუკი, 1-2 ლიმნის წვენი, 3 ს.კ. სოიოს სოუსი, 2 ს.კ. ზეთი, 200-250 გ კარაქი, 2 ჭიქა ბრინჯი, 2 ცალი სტაფილო, 2-3 ღერი პიტნა, 1 ჩ.კ. ყვითელი ყვავილი, 1 ს.კ. პაპრიკა, 0.5 ჩ.კ. კურკუმა, პილპილი და მარილი გემოვნებით.

მომზადება: ხორცი დავჭრათ მსხვილ ნაჭრებად, მოვაყაროთ პილპილი, მარილი, მოვასხათ სოიოს სოუსი, ლიმნოს წვენი და ნახევარი საათით დავტოვოთ, შემდეგ გადავიტანოთ სქელძირიან ქვაბში ან ღრმა ტაფაზე, დავუმატოთ 2/3 ჭიქა წყალი,

1 ს.კ. კარაქი, ზეთი, პიტნა, დავხუროთ თავზე და დავდგა ცეცხლზე. როცა წყალს ჩაიშრობს, დავამატოთ 4-5 ნაწილად დაჭრილი სტაფილო და ნელ ცეცხლზე შევწვათ. ბრინჯი გავრეცხოთ და სქელძირიან ქვაბში კარაქთან ერთად მოვხალოთ, დავამატოთ გახეხილი სტაფილო, ყვითელი ყვავილი, შავი პილპილი, მარილი, კურკუმა და დავასხათ 4 ჭიქა მდუღარე წყალი, დავახუროთ სახურავი და დავდგათ ცეცლხზე 15 წუთით, შემდეგ შევფუთოთ ტილოში 10 წუთით და სუფრასთან მივიტანოთ თხლად დაჭრილ ხორცთან ერთად არეული.

© ღვინის კლუბი/“Weekend“