შემწვარი ცხვრის ნეკნები სტაფილოთი

საჭირო მასალა: 1 კბილი ნიორი, 6 ს.კ. ზეითუნის ზეთი, 8 ნაჭერი ცხვრის ნეკნი ძვლით, 1,5 ს.კ. დათლილი ნუში, 400 გ სტაფილო, 1 ცალი ცხარე წითელი წიწაკა, 1 ს.კ. თაფლი, მწიკვი დარიჩინი, 3 ს.კ. ლიმონის წვენი, 1 ს.კ. წვრილად დაჭრილი პიტნა, 4 ს.კ. იოგურტი, მარილი, პილპილი – გემოვნებით.

მომზადება: ნიორი წვრილად დავჭრათ, ავურიოთ 4 ს.კ. ზეთი. ხორცის ნაჭრები შევამშრალოთ, თასში მოვათავსოთ და ნივრიანი ზეთი დავასხათ. სტაფილო გავასუფთავოთ და თხელ, მოგრძო ნაჭრებად დავჭრათ. წიწაკას ამოვაცალოთ თესლი და წვრილად დავჭრათ. ტაფაზე გავაცხელოთ 2 ს.კ. ზეთი, დავუმატოთ სტაფილო და 3 წუთის განმავლობაში ყველა მხრიდან დავბრაწოთ. დავუმატოთ ნუში, თაფლი, წიწაკა და 4 წუთი ვშუშოთ. ამასობაში მეორე ტაფა გავაცხელოთ და ხორცის ნაჭრები ორივე მხრიდან შევწვათ. მოვაყაროთ მარილი და პილპილი. სტაფილოს დავუმატოთYლიმონის წვენი, იოგურტი, დარიჩინი, მარილი და პიტნა. შემწვარი ხორცი სუფრასთან სტაფილოს გარნირთან ერთად მივიტანოთ.

© ღვინის კლუბი/Weekend