ქათმისა და სოკოს წვნიანი ნიახურით

საჭირო მასალა: 500 გ ქათმის ძვლიანი ხორცი, 3-4 ცალი ქამა სოკო, 1 ცალი სტაფილო, 2 ძირი ნიახური, 2 თავი ხახვი, 1 ჩ.კ. გამშრალი ოხრახუში, 1 ცალი დაფნის ფოთოლი, 3 ცალი კარტოფილი, 2-3 ს.კ. ზეთი, 1 კონა მწვანე ხახვი, მარილი, პილპილი – გემოვნებით.

მომზადება: ქათამს დავასხათ წყალი და მოვხარშოთ. ბულიონიდან ამოვიღოთ ხორცი და გავაცალოთ ძვლები. ბულიონში ჩავუმატოთ დაჭრილი კარტოფილი, სტაფილო, ხახვის  მთლიანი თავი და თავდახურული ვხარშოთ. ზეთში მოვშუშოთ წვრილად დაჭრილი ხახვი და ნიახური, დავუმატოთ დაჭრილი სოკო და 5-7 წუთი ვშუშოთ. ბულიონში ჩავყაროთ მოშუშული ბოსტნეული, ქათმის ხორცი, ოხრახუში, მარილი, პილპილი, დაფნის ფოთოლი და 15 წუთი ვხარშოთ. წვნიანს სუფრაზე გატანის წინ მწვანე ხახვი დავუმატოთ.

© ღვინის კლუბი/Weekend