ჭარხლისა და კარტოფილის წვნიანი

საჭირო მასალა: 350 გ ჭარხალი, 1 ცალი მოხარშული კარტოფილი, 1 ხახვი, 1 ს.კ. ზეთი, 750 მლ ბოსტნეულის ბულიონი, 100 მლ სქელი ნაღები, 3 ს.კ. იოგურტი, 1 ს.კ. მინერალური წყალი, 1 ნაჭერი პირშუშხა (5 სმ-სიგრძის), მარილი, წიწაკა – გემოვნებით.

მომზადება: კარტოფილი, ჭარხალი და ხახვი დავჭრათ. სქელძირიან ქვაბში გავაცხელოთ ზეთი, დავუმატოთ დაჭრილი ბოსტნეული და საშუალო ტემპერატურაზე 5 წუთი ვშუშოთ. დავასხათ ბოსტნეულის ბულიონი და დავახუროთ სახურავი. წვნიანი 40 წუთი ვხარშოთ, შემდეგ კი გავატაროთ საცერზე ან ავთქვიფოთ ბლენდერით. წვენი ჩავაბრუნოთ ქვაბში, ჩავუმატოთ ნაღები და ერთხელ წამოვადუღოთ. ბოლოს დავუმატოთ მარილი, პილპილი, მინერალური წყალი, იოგურტი და გადმოვდგათ ცეცხლიდან.

© ღვინის კლუბი/Weekend