ქოქოსისა და ქლიავის ნამცხვარი

საჭირო მასალა: ცომისთვის – 180 გ ხაჭო, 400-450 გ ფქვილი, 120 გ შაქარი, მწიკვი მარილი, 3 ს.კ. რძე, 6 ს.კ. ზეთი, 2 ცალი კვერცხი, 1 ს.კ. გამაფხვიერებელი. გულსართი – 3 ს.კ. საფანელი, 1 კგ მწიფე ქლიავი, 3 ს.კ. შაქარი 0,5 ჩ.კ. დარიჩინით, 100 გ ქოქოსის ფანტელი, 120 გ გამდნარი კარაქი, 2-3 ს.კ. შაქარი, ცოტა ფქვილი.

მომზადება:ღუმელი 180 გრადუსზე გავახუროთ. ცომის ინგრედიენტებით მოვამზადოთ ცომი და ქაღალდჩაფენილ ფორმაში მოვათავსოთ, გავუკეთოთ გვერდებიც. ზედ გადავანაწილოთ საფანელი, შემდეგ დაჭრილი ქლიავი და მოვაყაროთ დარიჩინიანი შაქარი. შაქარი, კარაქი, ქოქოსის ფანტელები და ფქვილი ავურიოთ ისე, რომ ფხვიერი მასა მივიღოთ. თუ ფქვილი დააკლდება -  დავამატოთ. ფხვიერი მასა თანაბრად მოვაყაროთ ნამცხვარს და 40-45 წუთის განმავლობაში ვაცხოთ.

© ღვინის კლუბი/Weekend