თურქული დესერტი რევანი

საჭირო მასალა: ცომი - 2 კვერცხი, 0,5 ჭიქა ნატურალური იოგურტი ან მაწონი, 0,5 ჭიქა რაფინირებული ზეთი, 0,5 ჭიქა მანანის ბურღული, 1 ჭიქა ფქვილი, 0,5 ჭიქა შაქარი, 1 ჩ.კ. საცხობი ფხვნილი. ვაჟინი – 2 ჭიქა შაქარი, ნახევარი ლიმონის წვენი, 2,5 ჭიქა წყალი. შაქრის პუდრა ან ქოქოსის ფანტელი – მოსართავად.

მომზადება: ღრმა თასში გავთქვიფოთ შაქარი და კვერცხი, დავუმატოთ იოგურტი, ზეთი, მანანის ბურღული და ბოლოს საცხობი ფხვნილი. მივიღებთ სქელი არაჟნის კონსისტენციის მასას. ოთხკუთხა ფორმას წავუსვათ ცხიმი და ჩავასხათ ცომი. შევდგათ წინასწარ 170 გრადუსზე გახურებულ ღუმელში 25-30 წუთის განმავლობაში, სანამ არ გაოქროსფრდება. სანამ რევანი გამოცხვება, მოვამზადოთ ვაჟინი – შაქარი და წყალი მოვათავსოთ  სქელძირიან ქვაბში და დაბალ ცეცხლზე 3-4 წუთი ვხარშოთ, შემდეგ დავაწუროთ ლიმონი და გადმოვდგათ ცეცხლიდან. მზა დესერტს მოვასხათ ვაჟინი და როდესაც გაცივდება, რომბებად დავჭრათ. ზემოდან მოვაყაროთ შაქრის პუდრა ან ქოქოსის ფანტელი.

© ღვინის კლუბი/Weekend