ფლორენტინები

საჭირო მასალა: ცომი – 240 გ ფქვილი, 160 გ კარაქი, 75 გ შაქრის პუდრი, 2 კვერცხის გული, 1 ს.კ. სქელი ნაღები, 2 ს.კ. გარგარის ჯემი. ტოპინგი – 70 გ კარაქი, 60 გ შაქარი, 140 გ ნუშის ფირფიტები,  3 ს.კ. თაფლი, 50 მლ სქელი ნაღები, 1 ს.კ. წვრილად დაჭრილი ფორთოხლის ცუკატები.

მომზადება: ფქვილი და კარაქი დავკეპოთ, დავუმატოთ დანარჩენი ინგრედიენტები ჯემის გარდა და სწრაფად მოვზილოთ ცომი. გადავაკრათ ცელოფანი და 30 წუთით მაცივარში შევდგათ. ცომი თხლად გავაბრტყელოთ, მოვათავსოთ ქაღალდჩაფენილ, ცხიმწასმულ ფორმაში და 12 წუთის განმავლობაში 170 გრადუსზე გახურებულ ღუმელში გამოვაცხოთ. ცხელ ფენას გადავუსვათ გარგარის ჯემი.

სქელძირიან ტეფლონის ან კერამიკით მომინანქრებულ ტაფაზე (რომელიც არ იკრობს) დავადნოთ კარაქი, დავამატოთ დანარჩენი ინგრედიენტები და დაბალ ცეცხლზე  5 წუთის განმავლობაში ვშუშოთ, თან ვურიოთ. მზა მასა მაშინვე გადავიტანოთ გამომცხვარ ფენაზე და 10 წუთით შევდგათ 170 გრადუსზე გახურებულ ღუმელში. მზა ნამცხვარი გამოცხობიდან 15 წუთის შემდეგ სასურველი ფორმით დავჭრათ.

© ღვინის კლუბი/Weekend