ტოლმის რულეტი

საჭირო მასალა: 600 გ შერეული ხორცის ფარში, 1 საშუალო ზომის კომბოსტოს თავი, 1 თავი ხახვი, 2-3 კბილი ნიორი, 3-4 ს.კ. არაჟანი, 1 ს.კ. კეტჩუპი, 3 ს.კ. ზეთი, 1 კონა ოხრახუში და ქინძი, მარილი, პილპილი.

მომზადება: ფარშს დავუმატოთ გატარებული ხახვი და ნიორი, მარილი, პილპილი და მოვზილოთ. დაფაზე დავფინოთ კომბოსტოს გაცალკევებული და დამდუღრული ფოთლები ისე, რომ ერთმანეთზე გადავიდეს და ზემოდან დავფინოთ ფარში. მოვაყაროთ წვრილად დაკეპილი მწვანილი, გვერდები ამოვუკეცოთ, გადავახვიოთ რულეტივით და მოვათავსოთ ცხიმწასმულ ფორმაზე. არაჟანი და კეტჩუპი ავურიოთ და ნაწილი წავუსვათ რულეტს, ნაწილს კი დავასხათ 0.5 ჭიქა წყალი და ფორმაზე დავასხათ. ცხვება 45-50 წუთი 200 გრადუსზე. ცხობის პროცესში რამდენჯერმე მოვასხათ თავისივე წვენი.

© ღვინის კლუბი/Weekend