კრუასანი

საჭირო მასალა: 350 გ ფქვილი, 1/2 ჩ.კ. ლიმონის წვენი, 280 გ ცივი კარაქი, 1 ს.კ. მშრალი საფუარი, 250 გ რძე, 4 ჩ.კ. შაქარი, 1 ს.კ. თაფლი, 2 ჩ.კ. მარილი

მომზადება: 2 ს.კ. ფქვილი და ლიმონის წვენი ხელით შევაზილოთ კარაქს და კვადრატის ფორმა მივცეთ. საფუარი და შაქარი გავხსნათ თბილ რძეში და დავდგათ თბილ ადგილას, როცა ამოფუვდება, თანდათანობით დავუმატოთ თაფლი, გაცრილი ფქვილი, მარილი და მოვზილოთ ცომი. ცომი კვადრატულად გავაბრტყელოთ 1 სმ-ზე, შუაგულში ჩავუდოთ კარაქი, კონვერტივით დავკეცოთ და გვერდები შევკრათ, რომ კარაქი არ გამოვიდეს. ისევ გავაბრტყელოთ და გადავკეცოთ სამად. ეს პროცედურა ორჯერ გავიმეოროთ, ცომი ცელოფანში გავახვიოთ და 30 წუთით მაცივარში გავაჩეროთ. შემდეგ ისევე გადავკეცოთ და გავაცივოთ 2 საათის განმავლობაში. 2 საათის შემდეგ ცომი გავაბრტყელოთ 5 მმ-ზე და დავჭრათ სამკუთხედებად. კრუასანები გადავახვიოთ განიერი მხრიდან, გადახვევა მთავრდება წვერზე, ოდნავ მოვრკალოთ, დავაწყოთ თუნუქის ფურცელზე და გავაჩეროთ სითბოში 20 წუთით. შემდეგ წავუსვათ ცოტაოდენ რძეში გათქვეფილი კვერცხი და შევდგათ 180 გრადუსზე გახურებულ ღუმელში 20-30 წუთით, ვიდრე არ შეიბრაწება. მზა კრუასანებს მოვაყაროთ შაქრის პუდრი.

© ღვინის კლუბი /Weekend