ხორცი კიტრით კორეულად

საჭირო მასალა: 800 გ კიტრი, 1/3 ჩ.კ.მარილი, 500 გ ღორის ან ხბოს ხორცი, 2 თავი ხახვი, 1 ცალი ბულგარული წიწაკა, 3 კბილი ნიორი, 1 ს.კ. ჩილის სოუსი, 1/2 ჩ.კ. დაფქული ქინძის თესლი, 1/2 ჩ.კ.შაქარი, 3 ს.კ. სოიის სოუსი, 2 ს.კ. ღვინის ძმარი, ზეთი შესაწვავად.

მომზადება: კიტრი დავჭრათ მოგრძო ნაჭრებად, მოვაყაროთ მარილი და 30 წუთით მოვათავსოთ თასში. კიტრი გავწუროთ და ავურიოთ1 კბილი დაჭყლეტილი ნიორი, ქინძის თესლი, შაქარი და ჩილის სოუსი. ხახვი და წიწაკა დავჭრათ მრგვალ, თხელ ნაჭრებად, ხორცი დავჭრათ მოგრძო ნაჭრებად. ღრმა ტაფაში ზეთში შევბრაწოთ ხორცი, დავუმატოთ ხახვი და მოვშუშოთ ხახვის დარბილებამდე. დავუმატოთ სოიის სოუსი, დაჭყლეტილი 2 კბილი ნიორი, ბულგარული წიწაკა და დავასხათ კიტრის ნაჭრებს. დავამატოთ ძმარი, ცოტა ხანს თავდახურული გავაჩეროთ და შეგრილებული მივიტანოთ სუფრასთან.

© ღვინის კლუბი/Weekend