გამოქვეყნებულია: 14 ივნისი, 2010 - 14:45
საჭირო მასალა: 1 კგ. საქონლის ხორცი, 3-4 თავი ხახვი, 1 ცალი სტაფილო, 2 ცალი პომიდორი, 1 ცალი ბულგარული წიწაკა, 200 გ. მშრალი წითელი ღვინო, 150 გ. ზეთი. ნახევარ-ნახევარი კონა ქინძი, ოხრახუში, კამა და რეჰანი, 1 ს.კ. სახამებელი, მარილი და პილპილი – გემოვნებით.
მომზადება: ხორცი დავჭრეათ მოზრდილ ნაჭრებად. ტაფა გავაცხელოთ, დავასხათ ზეთი, დავუმატოთ მარილი, პილპილი და ზედ დავყაროთ ხორცის ნაჭრები, შევწვათ ყველა მხრიდან. იმავე ცხიმში მოვშუშოთ ალყა-ალყად დაჭრილი ხახვი და სტაფილო, შემდეგ გადავიტანოთ სქელძირიან ჭურჭელში, დავუმატოთ კანგაცლილი, მსხვილად დაჭრილი პომიდორი, ბულგარული წიწაკა, წვრილად დაჭრილი ნიორი და ხორცის ნაჭრები. ზემოდან მოვაყაროთ წვრილად დაკეპილი მწვანილი, მოვასხათ ღვინო და წამოვადუღოთ, შემდეგ დავუმატოთ იმდენი მდუღარე წყალი, რომ ხორცი დაფაროს, დავაფაროთ საფარებელი და დაბალ ცეცხლზე ვხარშოთ 40-60 წუთის განმავლობაში. 3/4 ჭიქა ცივ წყალში გავხსნათ სახამებელი და მცირე ნაკადით შევურიოთ კერძს, თან ვურიოთ. ვხარშოთ 7 წუთის განმავლობაში.
© ღვინის კლუბი/“Weekend“
ბეჭდვა
თქვენი კომენტარი