ქათამი სტაფილოთი აფრიკულად

საჭირო მასალა: 300 გ სტაფილო, 2 თავი ხახვი, 20 გ ნედლი ჯანჯაფილი, 1 კბილი ნიორი, 2 ცალი ქათმის ფილე, 4 ს.კ. ზეითუნის ზეთი, 200 მლ ქათმის ბულიონი, 2 ღერი დარიჩინი, 1 პატარა კონა ქინძი, მარილი, პილპილი – გემოვნებით.

მომზადება: სტაფილო გავთალოთ, სიგრძეზე გავჭრათ და 2 სმ ზომის ნაჭრებად დავჭრათ. ხახვი გავფცქვნათ და 8 ნაწილად გავჭრათ. ნიორი და ჯანჯაფილი გავხეხოთ. თითოეული ფილე შუაზე გავჭრათ და 4 სმ  ზომის ნაჭრებად დავჭრათ. თუჯის ღრმა ტაფაში გავაცხელოთ ზეთი, დავუმატოთ ხახვი და მოვშუშოთ გაოქროსფრებამდე, შემდეგ ტაფიდან ამოვიღოთ. ხორცს მოვაყაროთ მარილი, პილპილი და იმავე ცხიმში შევწვათ, რაშიც ხახვი მოვშუშეთ. ხორცს დავუმატოთ სტაფილო, ჯანჯაფილი, ნიორი და 2 წუთი ერთად ვშუშოთ. დავუმატოთ ხახვი, დარიჩინი, დავასხათ ბულიონი და საშუალო ტემპერატურაზე 20 წუთი თავდახურული ვშუშოთ. ბოლოს მოვაყაროთ დაჭრილი ქინძი.

© ღვინის კლუბი /Weekend