საჭირო მასალა: 200 გ პასტა მაკარონი, 150 გ სოკო, 1 ცალი ტკბილი წიწაკა, 150 გ პრასი, 100 გ ბეკონი, 150 მლ რძე, 2 ცალი კვერცხი, 3 ღერი ახალი ან ხმელი ბეგქონდარა, ცოტაოდენი ზეთი, მარილი, ახალდაფქული პილპილი – გემოვნებით.
მომზადება: პასტა მდუღარე მარილიან წყალში მოვხარშოთ შეფუთვაზე მითითებული წესის მიხედვით და გადავწუროთ. სოკოები შუა-შუა, წიწაკა კი ოთხად კუბებად დავჭრათ. პრასი სქელ რგოლებად დავჭრათ. ბეკონის ნაჭრები შუაზე გავჭრათ და გახურებულ ტაფაზე მსუბუქად შევბრაწოთ, შემდეგ ამოვიღოთ და დასაწრეტად ქაღალდის ხელსახოცზე დავაწყოთ. დაჭრილი ბოსტნეული და სოკო ზეთში მოვშუშოთ, მოვყაროთ მარილი და პილპილი. კვერცხი და რძე ავთქვიფოთ, დავუმატოთ მარილი და პილპილი. დავუმატოთ წვრილად დაკეპილი ან დაფქული ბეგქონდარა. პასტა ბოსტნეულთან ერთად მოვათავსოთ ტაფაში. ზემოდან დავასხათ რძისა და კვერცხის ნარევი და 12-15 წუთით საშუალო ცეცხლზე თავდახურული გავაჩეროთ, სანამ არ მომზადდება.
© ღვინის კლუბი /Weekend
ბეჭდვა
თქვენი კომენტარი