კრემ-სუპი შემწვარი ვაშლითა და სოკოთი

საჭირო მასალა: 1 მოზრდილი კონა ნიახური, 3-4 ცალი კარტოფილი, 1-2 თავი ხახვი, 2 ს.კ. კარაქი, 3 ს.კ. ფქვილი 250 მლ რძე, 50 მლ თეთრი მშრალი ღვინო, 500 მლ წყალი, მარილი, წიწაკა, ჯავზი – გემოვნებით, 2-3 ცალი ვაშლი, 200 გ ახალი ქამა სოკო, 0,5 ჩ.კ. გამშრალი ქონდარი.

მომზადება: ხახვი, ნიახური და კარტოფილი დავჭრათ. დაჭრილი ბოსტნეული 1 ს.კ. კარაქში მოვშუშოთ, დავაყაროთ ფქვილი და რამდენიმეჯერ ამოვურიოთ. ბოსტნეული გადავიტანოთ ქვაბში, დავასხათ ერთმანეთში არეული ღვინო, რძე და წყალი და 15-20 წუთის განმავლობაში ვხარშოთ. ამასობაში სოკო და ვაშლი დავჭრათ საშუალო ზომის ნაჭრებად. ვაშლის ნაჭრები დავყაროთ ტაფაზე, დავასხათ იმდენი წყალი, რომ ვაშლს შუამდე მოადგეს და 2-3 წუთის განმავლობაში ვხარშოთ. ნაყოფი რომ დარბილდება, წყალი გადავწუროთ, დავაყაროთ ქონდარი და დავუმატოთ კარაქი. შემწვარი ვაშლები ცალკე ჭურჭელში შევინახოთ. სოკოს დავაყაროთ ქონდარი და იმავე ტაფაში ჩავყაროთ, რომელიშც ვაშლი შევწვით. როდესაც მომზადდება, ისიც ვაშლთან ერთად მოვათავსოთ. წვნიანი ბლენდერში ავთქვიფოთ და კიდევ ერთხელ წამოვადუღოთ. მზა სუპს დავუმატოთ მარილი, ჯავზი და წიწაკა, სუფრასთან მიტანის წინ თითოეულ ულუფაში მოვათავსოთ ვაშლისა და სოკოს ნაჭრები. სურვილისამებრ შეგვიძლია ქონდარი ზემოდანაც მოვაყაროთ.

© ღვინის კლუბი/Weekend