კონგრი

საჭირო მასალა: 250 გ წითელი ლობიო, 5 ჭიქა წყალი, 2 ცალი ტკბილი წიწაკა, 250 გ ღორის ხორცი, 200 გ ხახვი, 4 კბილი ნიორი, 4 ჩ.კ. მარილი, 1,4 ჩ.კ. თავშავა, 1/4 ჩ.კ. კუმინი, 2 ცალი დაფნის ფოთოლი, 500 გ ბრინჯი, 30 გ ღორის ქონი ან ბეკონი.

მომზადება: ლობიო წიწაკასთან ერთად დავალბოთ წყალში და მთელი ღამე გავაჩეროთ. დილით მოვხარშოთ. თუ დაიშრო სითხე – დავუმატოთ. მოხარშული ლობიო გადავწუროთ, 3 ჭიქა ნახარში შევინახოთ. ღორის ხორცი პატარა ნაჭრებად დავჭრათ და მსუბუქად შევბრაწოთ, რომ ცხიმი გაუშვას. დავუმატოთ წვრილად დაჭრილი ხახვი, ნიორი და წიწაკა. როდესაც მოიშუშება, დავუმატოთ ლობიო, გადანახული ლობიოს ნახარში, მარილი, თავშავა, კუმინი და დაფნის ფოთოლი. როდესაც ეს ყველაფერი ადუღდება, დავუმატოთ გარეცხილი ბრინჯი და წვრილად დაჭრილი, მოშუშული ღორის ქონი. როდესაც ბრინჯი დარბილდება, კერძი მზადაა. ვხარშოთ საშუალო ტემპერატურაზე. კონგრი კარგი გარნირია ხორცის ან თევზის კერძებისათვის.

© ღვინის კლუბი/Weekend