კარტოფილის პიურისა და ისპანახის მობრაწულა კვერცხით

საჭირო მასალა: 800 გ კარტოფილი, 200 მლ რძე, 450 გ ისპანახი, 1 თავი ხახვი, 1 ს.კ. კარაქი, 150 მლ სქელი ნაღები, 4 კვერცხი, 1 ჩ.კ. კარაქი ფორმის გასაპოხად, მარილი, ჯავზი, თეთრი პილპილი – გემოვნებით.

მომზადება: კარტოფილი მოვხარშოთ მარილიან წყალში, გადავწუროთ, დავასხათ რძე, დავუმატოთ მარილი, ჯავზი და მოვამზადოთ პიურე. ისპანახს დავასხათ 6 ს.კ. წყალი, დავახუროთ ქვაბს სახურავი და 6 წუთი ვხარშოთ, შემდეგ გადავწუროთ. ისპანახს დავუმატოთ წვრილად დაჭრილი ხახვი და გათქვეფილი ნაღები. ქვაბს სახურავი მოვხადოთ და წამოვადუღოთ. დავუმატოთ მარილი, ჯავზი და პილპილი. კარაქწასმულ ფორმაში ჯერ კარტოფილის პიურე მოვათავსოთ, შემდეგ ისპანახი და ზემოდან  დავახალოთ მთლიანი კვერცხები. შევდგათ 180 გრადუსზე გახურებულ ღუმელში და 15 წუთი ვაცხოთ.

© ღვინის კლუბი /Weekend