კარტოფილის ბუდეები კვერცხით

საჭირო მასალა: 1 კგ მოხარშული კარტოფილი, 250 გ ბროკოლი, 350 მლ რძე, 2 ს.კ. კარაქი, 4-6 კვერცხი, 3 ს.კ. კეტჩუპი ან პამიდვრის სხვა საწებელი, მარილი, ჯავზი – გემოვნებით.

მომზადება: ბროკოლი პატარა ყვავილედებად დავანაწევროთ და მარილიან წყალში მოვხარშოთ. კარტოფილი დავჭყლიტოთ. რძეში ჩავყაროთ ჯავზი და მარილი, დავუმატოთ კარაქი და შევათბოთ. სითხე შევურიოთ დაჭყლეტილ კარტოფილს და მოვამზადოთ პიურე. საცხობ ქაღალდზე წავუსვათ ცოტა ცხიმი. ზედ მოვათავსოთ 4-5 ნაწილად გაყოფილი კარტოფილის მასა. თითოეულს მივცეთ ჩიტის ბუდის ფორმა, შიგნით ჩავახალოთ 1-2 კვერცხი. შევდგათ 200 გრადუსზე გახურებულ ღუმელში 15 წუთით, სანამ კვერცხი პირს არ შეიკრავს. გამომცხვარი ბუდეები მოვრთოთ ბროკოლითა და პამიდვრის საწებლით.

© ღვინის კლუბი/Weekend