ფრანგული სოუსი ტარხუნით

საჭირო მასალა: 1 ღერი ტარხუნა, 2 ღერი ოხრახუში, 5 ს.კ. თეთრი ღვინის ძმარი, 60 გ სქელი ნაღები, 4 ს.კ. რძე, 1 ს.კ. დიჟონური მდოგვი, 4 ს.კ. ნიგოზი, 1 ს.კ. ზეითუნის ზეთი, მარილი, პილპილი – გემოვნებით.

მომზადება: ნიგოზი დავნაყოთ. ოხრახუშსა და ტარხუნას მოვაცილოთ უხეში ღერები და წვრილად დავჭრათ. ძმარი, ნაღები, რძე, მდოგვი და ზეთი კარგად ავურიოთ ერთგვაროვანი მასის მიღებამდე. დავუმატოთ მწვანილი, ნიგოზი, მარილი და პილპილი. ეს სოუსი უხდება ხორცსა და თევზს.

© ღვინის კლუბი /Weekend