გამოქვეყნებულია: 14 აპრილი, 2013 - 16:11
საჭირო მასალა: 30 გ კანგაცლილი ნუში, 4 ღერი პიტნა, 1 პატარა კონა ქინძი, 1 კბილი ნიორი, 16 ს.კ. ზეითუნის ზეთი, 500 გ პამიდორი, 1 თავი წითელი ხახვი, 4 ს.კ. წითელი ღვინის ძმარი, 1 ტოტი როზმარინი, 1 ცალი ლიმონი, 200 გ ყველი ფეტა, 1 ს.კ. თაფლი, 250 გ ფილოს ცომი, მარილი, წიწაკა – გემოვნებით.
მომზადება: მოვამზადოთ პიტნის პესტო: ნუში მოვხალოთ, მწვანილი გავრეცხოთ. ნიორი, ნუში, მწვანილი და ზეთი ავთქვიფოთ ბლენდერში, დავუმატოთ მარილი და წიწაკა. პამიდორი გავრეცხოთ. ხახვი და პამიდორი მსხვილად დავჭრათ. 2 ს.კ. ზეთი, ძმარი, მარილი და წიწაკა ავურიოთ და დაჭრილ ბოსტნეულს მოვასხათ. წვრილად დავჭრათ როზმარინი. ლიმონი გავწუროთ და ცედრა მოვახეხოთ. ყველი დავფხვნათ, შევურიოთ თაფლი, 1 ს.კ. ლიმონის წვენი, ცედრა და როზმარინი. 2 ფენა ფილოს ცომი ერთმანეთზე დავდოთ და 4 სამკუთხედად გავჭრათ. ზედ მოვათავსოთ ყველის გულსართი და ერთი კუთხიდან სიგარეტივით გადავახვიოთ. სიგარეტები ზეთში შევწვათ, სუფრაზე პესტოსა და სალათასთან ერთად მივიტანოთ.
© ღვინის კლუბი/Weekend
ბეჭდვა
თქვენი კომენტარი