ბოსტნეულის მილფეი

საჭირო მასალა: 150 გ თხის ყველი, 15 გ პარმეზანი, 125 გ ბადრიჯანი, 200 გ ბულგარული წიწაკა, 110 გ ყაბაყი, 100 გ პამიდორი, 1 კბილი ნიორი, 1 ღერი ნიახური, 3 ღერი შაშკვლავი, 2 ღერი ოხრახუში.

მომზადება: ბადრიჯანი და ყაბაყი თხლად დავჭრათ და ღუმელში შევწვათ. ცალკე შევწვათ ფოლგაში გახვეული წიწაკა, მერე მოვაშოროთ თესლი და კანი. პამიდორსაც მოვაშოროთ კანი და თესლი და თხლად დავჭრათ. ბოსტნეული ფენა-ფენა დავალაგოთ  ყველში აზელილ ნიორსა და მწვანილთან ერთად. პირველ ფენად ბადრიჯნის ნაჭრები ეფინება, მერე - დანარჩენი ბოსტნეული. მზა კერძი გავაცივოთ, ამოვატრიალოთ და ტორტივით დავჭრათ.

© ღვინის კლუბი/Weekend