საჭირო მასალა: 400 გ კომბოსტო, 3 სტაფილო, 1 ცალი პრასი, 200 გ დაკონსერვებული ანანასი, 3 ს.კ. ქუნჯუთის ან ზეითუნის ზეთი, 1 ს.კ. მოტკბო-მომჟავო სოუსი ან კეტჩუპი, 3 ს.კ. სოიის სოუსი, 1 სავსე ს.კ. სახამებელი, 2 ს.კ. მოხალული მიწის თხილი, მარილი, პილპილი – გემოვნებით.
მომზადება: კომბოსტო თხლად დავკეპოთ. სტაფილო მსხვილად გავხეხოთ. პრასი მრგვლად დავჭრათ. ანანასი დავჭრათ, წვენი კი შევინახოთ. ვოკში ან ღრმა ტაფაში გავაცხელოთ ცხიმი. დავუმარტოთ სტაფილო და კომბოსტო და 5 წუთი ვშუშოთ. ანანასის ნახევარი და პრასი კომბოსტოსა და სტაფილოს დავუმატოთ და მზადება განვაგრძოთ. მოტკბო-მომჟავო სოუსი, სოიის სოუსი, 6 ს.კ. ანანასის წვენი და 6 ს.კ. წყალი სახამებელში ავურიოთ, დავამატოთ კომბოსტოს და ამოვურიოთ. დავაყაროთ მარილი და პილპილი. მზა კერძს მოვაყაროთ დაჭრილი მიწის თხილი. გარნირად შეგვიძლია მივირთვათ ბრინჯი.
© ღვინის კლუბი/Weekend
ბეჭდვა
თქვენი კომენტარი